JPMorgan лансира дигитална банка во Велика Британија

26

Во Велика Британија ќе биде отворена долгоочекуваната дигитална банка на JPMorgan Chase, пренесува CNBC.

Овој потег ќе го предизвика американскиот банкарски гигант пред големите кредитори во Велика Британија, вклучувајќи ги и HSBC, Barclays, Lloyds и NatWest, како и новооснованите компании како Monzo и Starling.

JPMorgan, исто така, ќе ја засили својата конкуренција со Goldman Sachs, кој го лансираше својот дигитален банкарски производ Marcus во Велика Британија во 2018година.

Њујоршката JPMorgan ги објави плановите за прв пат да го лансира својот бренд Chase во Обединетото Кралство на почетокот на оваа година. Наместо воспоставување физички филијали, JPMorgan ќе ги нуди своите услуги само преку мобилна апликација.

Ова е прво проширување на брендот за банкарство на мало во странство во 222-годишната историја на JPMorgan.

Санук Вишванатан, главениот извршен директор на меѓународната банкарска дивизија на JPMorgan, рече дека проширувањето на банката во Обединетото Кралство е “многу голема стратешка определба“.

Првично, Chase ќе понуди проверка на сметки со програма за наградување. Во подоцнежна фаза, таа планира и лични заеми, инвестиции и хипотеки.