JPMorgan: Ослободете се од вашите криптовалути

47

Дејвид Кели, главен глобален стратег во JPMorgan Asset Management, вели дека инвеститорите треба да се оддалечат од криптовалутите, пишува Bloomberg.

Кели е убеден дека континуираниот „јастребски“ став на Федералните резерви на САД ќе доведе до повеќе проблеми за дигиталните средства.

Тој, исто така, е негативно настроен и за технолошките акции со голема капитализација. Биткоинот (БТК) сè уште се тргува во тандем со големите технолошки акции.

Крипто-пазарот доби остар надолен пресврт откако претседателот на ФЕД, Џером Пауел рече дека централната банка ќе продолжи со својата агресивна кампања за зголемување на каматните стапки на конференцијата во Џексон Хол. Биткоинот и водечките алткоини ги избришаа своите добивки по коментарите на Пауел.

Во понеделникот, претседателот на Банката на федерални резерви на Минеаполис, Нил Кашкари рече дека е „задоволен“ од распродажбата на пазарот бидејќи тоа значи дека инвеститорите сфатиле дека ФЕД е целосно посветена на враќање на инфлацијата на 2%.

Кашкари вели дека „не бил воодушевен“ од „релито“ на берзата, што се одржа на крајот на јули, откако централната банка го објави своето второ последователно зголемување на каматната стапка од 75 базични поени.

Во август минатата година, Кашкари рече дека криптовалутите се „95% измама, возбуда и конфузија“.

Минатиот месец, JPMorgan забележа дека трошоците за производство на водечката криптовалута паднале на само 13.000 долари.