Фото: Pexels
Изборот на вистинскиот кандидат за работа не е лесна задача. Во продолжение неколку совети што ќе ви помогнат да ја донесете правилната одлука.
Не “паѓајте“ на харизма
Многу е лесно некој кандидат да ве “маѓепса” со неговата харизма, насмевка и позитивна енергија. Иако, ова е доста важно, сепак во никој случај не треба да биде пресудно во вашиот избор. Харизмата е едно, искуството, посветеноста на работата и мотивацијата на кандидатот се сосема друго.
Не ја донесувајте одлуката сами
Повикајте со вас колеги од човечки ресурси кои ќе ви помогнат да го направите вистинскиот избор. Секогаш е важно да чуете повеќе мислења, при донесувањето на ваква важна одлука.
Детално прегледајте го неговото претходно искуство
Доколку кандидатот работел повеќе работи истовремено или студирал и работел успешно, можеби тој е вистинскиот избор. Не ви треба студент кој дипломирал со одличен просек и бил посветен само на учење, а нема никакво искуство во работата.
Препознајте го кандидатот кој е мотивиран
Мотивираниот кандидат кој има желба за напредок и успех во кариерата е секогаш добар избор. Прашајте го што е она што го мотивирало да аплицира за работната позиција во вашата фирма и каде се гледа во иднина. Неговиот одговор ќе ви помогне многу при донесувањето на одлуката.
