Фото: Pexels
Сите љубители на виното имаат нешто заедничко, а тоа е дека без разлика на цената, сакаат да добијат добро шише вино. Но, што значи добро вино? Како и за сите останати работи, оценувањето е субјективно, освен ако не прашате професионалец.
„Луѓето зборуваат за квалитетот како тоа да е прашање на избор и вкус, но постојат многу лични преференции кои влијаат на тоа што им се допаѓа на луѓето и мислат дека е добро вино, како и многу објективни фактори”, вели сомелиерот Јорн Клајнханс, сопственик на Wine Elite Sommelier Co, пишува Business Insider.
Клајнханс и неговиот тим на сомелиери со кои редовно спроведуваат слепи тестови за вкусови, ги сведоа детерминантите за квалитетот на виното во три фактори што секој може да ги препознае:
1. Комплексност
Колку повеќе различни вкусови и забелешки за композицијата можете да осетите, толку покомплексно е виното, а тоа значи и дека е поквалитетно. Тоа е кога можете да ги почувствувате вкусовите на слива, цреша, ванила или тутун. Комплексноста е можеби најважниот индикатор за квалитетот на виното, за којшто можат сите луѓе да се согласат. Контроверзноста доаѓа кога тие дискутираат дали им се допаѓа виното или не.
2. Интензитет
Поинтензивното вино му дава поголема чистина на дегустаторот во идентификацијата на различните вкусови што се присутни во виното. Колку поинтензивни се вкусовите, толку е полесно да се забележат, ценат и препознаат. Кога имате многу комплексно вино и сите вкусови се прилично јасни, интензитетот е показател за голем квалитет на виното.
3. Баланс
Кога зборуваме за балансот на виното, тој подразбира оптимална комбинација на овошје, зеленчук, структура, дабовото влијание од бурето и почвата каде што растело грозјето. Добро балансирано вино ги покажува сите овие пет компоненти интегрирани до степен на јасна видливост и пропорционален вкус на хармонија.
