ЦЕЕД Македонија ве поканува на отворен бизнис настан на тема Како да се надминат предизвиците на компанијата според нејзиниот животен циклус.
Говорници на настанот ќе бидат Питер Риги и Јован Маџовски од ЦЕЕД Глобал.
Настанот ќе се одржи на 27.03.2019 во просториите на ЦЕЕД Хаб Скопје од 15 до 16 часот, а ќе биде наменет сопственици, извршни директори и менаџери на микро, мали и средни компании.
Заинтересираните своето присуство треба да го најават на следниов линк.
Питер Риги е ко-основач и директор на ЦЕЕД и има повеќе од 14-годишно искуство од областа на економскиот развој и иницијативите на приватниот сектор во брзорастечките пазари. Пред да го основа центарот за развој на претприемачи и менаџери Риги раководеше со SEAF организација за развој на бизнисот, задолжена за директни консултации и техничка поддршка за сите компании од нејзиното портфолио.
Јован Маџовски има 15-годишно работно искуство во меѓународни организации како што се US Peace Corps, USAID, UNDP, инвестицискиот фонд SEAF и ЕУ. Маџовски е доктор на економски науки – Управување со човечки ресурси и е овластен менаџмент консултант и тренер за човечки ресурси.
