Фото: Pixabay
Времето во коешто живееме и сите притисоци со кои се соочуваме на повеќето луѓе им создава голем стрес и анксиозност, што потоа резултира со појава на разни болести. Постојат повеќе начини како да се ослободите од стресот после напорниот ден, еве неколку:
Променете го начинот на размислување
Најдобриот, најбрз и наједноставен начин како да се ослободите од стресот е со промена на начинот на размислување. Секоја животна ситуација можеме да ја видиме од различни агли и ако се фокусираме на негативните страни, тогаш стресот нè обзема. Промената на начинот на размислување понекогаш претставува најефикасен начин, бидејќи често се убедуваме дека одредени ситуации се катастрофални или дека ќе резултираат со исклучително лош исход. Затоа, најважно е пред се да се запрашате дали навистина се работи за голем проблем? Дали можете да го решите тој проблем? Ако мислите дека ќе се случи нешто лошо, тогаш размислете која е веројатноста да дојде до таков негативен исход. Дали ги преценувате лошите работи?
Промена на начинот на размислување не е едноставно, но доколку работите на себе, се е можно.
Дишете длабоко
Седенете или легнете и почнете да дишете длабоко. Фокусирајте се на целиот процес на дишење – вдишувајте и почувствувајте како воздухот влегува низ вашите ноздри и ви ги полни белите дробови, потоа како полека издишувате преку уста. Повторете ја оваа вежба повеќе пати се додека не се чувствувате смирени.
Медитирајте
Не постои подобар начин од ослободување на стресот од медитацијата. Седнете во удобна позиција и почнете длабоко да дишите. Прифатете ги звуците од околината како неизбежни и фокусирате се на процесот на дишење. Кога ќе успеете да навлезете длабоко во себеси, ќе настапи тишина. А нема поубаво нешто од тишината, таа ќе ве наполни со енергија и информации за суштината.
Исклучете се од дигиталниот свет
Посебен предизвик претставува исклучување од дигиталниот свет. Сите читаат вести, константно проверуваат мејл и комуницираат на социјалните мрежи. Тоа може дополнително да ве вознемири, па затоа треба да ги исклучите телефонот и компјутерот. Секој сам за себе одлучува како и колку ќе ја користи технологијата, но не дозволувајте таа да управува со вас. Поставете си одредени ограничувања и придржувајте се до нив.
Спортувајте
Спортската активност го намалува стресот, бидејќи ја троши насобраната негативната енергија. Возете велосипед, трчајте, играјте кошарка или фудбал, вежбајте јога или карате, било која спортска активност е добредојдена. Додека спортувате мислите ви се насочени кон спортот што го практикувате и трошејќи ја насобраната енергија, вие автоматски се ослободувате од стресот. Доколку не сте во можност да практикувате спорт, тогаш прошетка во природа исто така може да делува смирувачки.
