Без разлика дали штотуку започнувате некоја работа или веќе го работите тоа со години, треба да реферирате што сте сработиле пред одговорно лице, т.е шефот.
Ако имате среќа од другата страна може да биде некој кој ја работел таа работа и знае добро што работите и што е потребно за да ја завршите задачата. Но, од друга страна може да се наоѓа шеф кој не разбира што правите и уште полошо не се ни труди да дознае што правите, не го цени вашиот труд, не верува во проценките и како вие придонесувате за целите на компанијата.
На краток рок, од вас може да се очекува да ги завршите работите без времето и ресурсите кои ви требаат, а на долг рок недоразбирањето може да донесе фрустрација и одложување на развојот на вашата кариера.
Секако тоа е деморализирање. Но, запомнете дека вашиот шеф можеби нема лоши намери. Можеби тие се “борат“ затоа што тоа прв пат се на менаџерска позиција и вие сте им потребни на нив за да ја разберат вашата улога. Ова можете да го претворите во победничка ситуација со тоа што ќе ги натерате да се потпрат на вас и да ве поддржат во вашата работа и кариерата.
Овие совети ќе ви помогнат да ги средите работите кога се сомневате дека вашиот шеф не ги разбира.
Бидете сигурни
За почеток, не претпоставувајте. Само затоа што вашиот шеф можеби нема искуство во областа во која вие работите или ве фали за работата што ја работите, не мора да значи дека тие се лоши. Затоа, одвојте време да разберете дали вашиот шеф навистина не го разбира она што го правите. Истражете за вашиот шеф. Која е неговатапозадина и искуство. Прашајте ги колегите. Тие може да ви раскажат за нивното искуство со вашиот шеф.
Побарајте помош на вистински начин
Запомнете дека комуникацијата е критична и мора да знаете кога е вистинското време да го прашате за одредени проблеми. Клучот е да му пристапите на вашиот шеф кога ќе биде слободен и отворен да ви посвети внимание.
Бидете реални
Што ако, и покрај вашите најдобри напори, сепак не можете да го натерате вашиот шеф да разбере, да помогне, вреднува, па дури и да се грижи за она што го правите?
Единствено што може да направите е да направите промена кај себе. Ако сте направиле сè за да ја разбере тежината за вашата работа, тогаш најдобро е да не го трошите талентот и времето на луѓе кои не ве заслужуваат.
Фото: Pexels
