Како до успешно онлајн интервју

103

Развојот на технологијата ги смени начините на барање работа, како и самото вработување. Во период на глобална пандемија сè повеќе работодавци одлучуваат за овој вид интервју.

Како да се подготвите за онлајн интервју?

Исто како што би се подготвиле за “нормално“ интервју за работа, треба да се вложат истите напори за интервју што ќе се одржи преку видео повик. Сè повеќе работодавци се одлучуваат на овој потег за да се сретнат со кандидатите. Со цел вашето интервју за работа да биде што е можно подобро и успешно, мора, пред сè, добро да се подготвите за тоа. Во продолжение неколку важни совети за успешно интервју преку интернет, така што вашиот потенцијален работодавец ве гледа како идеален кандидат за работата што ја сакате.

Погрижете се за сите потребни услови

Првата и најважна работа е прво да бидете сигурни дека ги исполнувате сите услови за интервју на интернет. Според порталот The Balance Careers, за да учествувате во ваков вид интервју, мора да имате компјутер со пристап до интернет и веб-камера. Пред да започнете со интервјуто, проверете дали сè е во ред со микрофонот и звучниците.

Облечете се професионално

Само затоа што сте дома, не значи дека треба да се опуштите за онлајн интервју. Затоа, меѓу другото, многу е важно и како се облекувате. Бидете сигурни дека облеката изгледа пристојно и професионално, а не занемарувајте ја ниту вашата фризура. Презентирајте се во најдобро светло за потенцијалните работодавци да ве запомнат. Не претерувајте со накит или шминка, секогаш водете се од “помалку е повеќе“.

Уредете го просторот околу вас

Исчистете го вашиот работен простор и целиот неред што стои зад вас, така што ништо во вашата позадина не го одвлекува вниманието на потенцијалниот работодавач. Наместо тоа, обидете се да отстраните сè што не ви треба од вашата околина – плишани играчки, облека, расфрлани перници и сè друго што изгледа неуредно. Идеално, просторот зад вас треба да биде неутрален, така што целото внимание за време на интервјуто е насочено исклучиво на вас. 

Покрај вас имајте хартија и пенкало

За време на разговорот сигурно ќе добиете некои информации за работното место или компанијата, затоа е важно да фаќате белешки. Не заборавајте повремено да се насмевнете и гледајте го соговорникот во очи.

Фото: Pixabay