На почетокот на 7 јули 2024 година стапува на сила новата регулатива на ЕУ 2019/2144, која вели дека новиот уред ќе биде задолжителен за новите возила регистрирани во ЕУ.
Станува збор за уред сличен на црна кутија што ќе собира и складира низа податоци, како што се: брзина на возилото, брзина на моторот, агол на управување, однесување при сопирање, положба на возилото, навалување на возилото и работа на безбедносни системи.
Во случај на несреќа, уредот е наменет да собира анонимни податоци за возење од возилото, објаснува германското Сојузно Министерство за транспорт, пренесува Poslovni.hr.
Добиените резултати треба да помогнат во истражувањето на несреќите и да доведат до подобри безбедносни системи во автомобилите. По несреќа, самите податоци остануваат во автомобилот и можат да се читаат со специјални уреди.
Според германскиот автоклуб ADAC, контролата над овие податоци ја има возачот. Но, постои едно ограничување кое гласи: „Со цел да се утврди како дошло до несреќата во врска со граѓанска или кривична постапка, судот или државното правобранителство може да ангажира експерт за читање на податоците од EDR“.
