Канада ќе прима половина милион имигранти годишно

35

Канада го зголеми бројот на имигранти што ќе ги прифаќа годишно на околу половина милион луѓе до крајот на 2025 година за да го надомести големиот недостиг на домашна работна сила, рече министерот за имиграција.

Повеќе од 900.000 работни места се слободни во многу сектори, а невработеноста падна на историски најниско ниво во последните месеци, достигнувајќи 5,2 отсто во септември.

Затоа, Отава има намера да додели постојан престој на 465.000 луѓе во 2023 година, 485.000 во 2024 година и 500.000 во 2025 година, пренесува Бета.

Канадската влада има намера да ги промени програмите за скрининг за имиграција за подобро да одговори на големиот недостиг на работна сила во здравствената заштита, стручните занаети, производството и таканаречениот сектор на наука, технологија, инженерство и математика (STEM).

Целта е повеќе од 60 отсто од сите имигранти да бидат економски мигранти до 2025 година, објави владата.

Канада, исто така, има намера побрзо да ги обедини семејствата чии членови живеат во странство, но и да прими помалку бегалци. Во 2021 година примила повеќе од 405.000 имигранти, што е најголема бројка што ја примила за една година, се наведува во соопштението на Министерството за имиграција.

Населението на Канада расте речиси двојно побрзо од која било земја од Г7.