Канадска банка апелира: Престанете да го цртате Спок по банкнотите

2

spok

Фановите на актерот Леонард Нимој, познат по улогата на Спок во Ѕвездени патеки, кој почина минатата недела, му оддадоа почит на различни начини, но еден од нив воопшто не ѝ се допадна на централната банка на Канада.

Тие на банкнотите од пет канадски долари, на портретот од поранешниот премиер Вилфрид Лорие, масовно го цртаат ликот од ѕвездената флота.

spok 1

Портпаролот на канадската банка ги повика фановите на Спок да престанат да цртаат по банкнотите. Иако цртањето не е противзаконски, ги затскрива безбедносните елементи и го смалува нивното траење во оптек. Од банката велат дека ваквата пракса, односно трендот наречен Спокинг, е недоличен, затоа што банкнотите се канадски симбол и национална гордост, пишува Toronto Sun.

Лорие беше седмиот премиер на оваа земја, во период од 1896 до 1911 година.

Фото: Flickr