Катар ја врати титулата најголем светски извозник на течен природен гас од Соединетите Американски Држави (САД).
Побарувачката за горива за греење е намалена со крајот на зимската сезона на северната хемисфера и тоа доведе до поместување на врвот, пишува Блумберг, пренесува Б92.
Извозот на течен природен гас на Катар надмина седум и пол милиони метрички тони во април, што е подобар резултат од САД.
Во текот на зимските месеци, ниските температури, како и желбата на Европа да ја намали зависноста од руската енергија, ја зголемија побарувачката за природен гас и цените на горивото.