На повик на Министерството за информатичко општество и администрација, денеска се одржа отворена јавна расправа за нацртот на Националната стратегија за ИКТ 2021-2025 и придружниот Акциски план. На оваа отворена расправа присуствуваа сите засегнати страни.
Дебатата беше исклучително конструктивна и плодна. Учесниците ги искажаа своите коментари и предлози за нацртот на Националната стратегија за ИКТ 2021-2025 и придружниот Акциски план и истата ќе биде разгледана и земена предвид, со цел да се постигне бараниот и потребниот резултат.
“Владата на РСМ, преку МИОА, е цврсто решена во своите заложби да ги користи предностите на ИКТ индустријата и да создаде напредно информатичко општество, и со тоа да ја зголеми продуктивноста, ефикасноста и иновациите во јавниот и приватниот сектор” рече Шаќири за време на неговиот говор.
Националната стратегија за ИКТ 2021 – 2025 се состои од 6 столба:
- Поврзливост и владина инфраструктура
- Централизација и рационализирање на ИКТ и услугите на е-влада
- Унапредување на дигиталните вештини на граѓаните, работната сила и професионалците
- Истражување, развој и иновации
- Заштита на податоци
- Дигитални услуги (инспирирани од заштита на животната средина)
Меѓу другите, министерот Шаќири ги наведе приоритетите во врска со зајакнувањето на дигиталната инфраструктура на Владата:
- Основање на дигитална агенција
- Воспоставување на Заеднички владин податочен центар
- Изградба на Националната транспортна оптичка мрежа
“Реализацијата на овие проекти ќе има значителна улога во намалување на дигиталниот јаз кој постои помеѓу нашата земја и земјите членки на ЕУ и забрзување на дигиталната трансформација”, го заврши својот говор министерот Јетон Шаќири.
