Готовината сè уште е најчестото средство за плаќање во еврозоната. Минатата година повеќе од половина од сите дневни трансакции во продавниците, рестораните и на други места се вршеле со готовина, објави Европската централна банка (ЕЦБ).
Уделот на готовинските плаќања во еврозоната минатата година изнесуваше 59%. Малта, Словенија, Австрија и Италија се земји во кои сè уште доминираат готовинските плаќања, со учество во вкупните плаќања од 69 до 77%, во Германија готовината има 63% од плаќањата, во Франција 50%, а на дното се Финска и Холандија каде учеството на готовината е само 20%.
Последните податоци за Хрватска од 2020 година покажаа дека учеството на готовината тогаш беше 54%. Иако сите сè уште се колнат во готовина, Пословни дневник пишува дека факт е дека картичките и електронските плаќања ја преземаат играта.
Во 2016 година, учеството на готовинските плаќања во еврозоната беше 79%, во 2019 година беше 72%, а минатата година падна на 59%. Пандемијата и стравот од ширење на инфекцијата преку банкноти само го забрзаа тој тренд.
Уделот на плаќањата преку мобилни апликации се зголеми тројно од 1% во 2019 година на 3% во 2022 година. Бесконтактните плаќања со картички исто така пораснаа, сега сочинуваат 62% од сите плаќања со картички.
И покрај предноста за безготовинско плаќање, 60% од потрошувачите во еврозоната наведуваат дека им е важна можноста за плаќање со готовина.
