На прв поглед изгледа како коцка фрлена во снегот, но тоа всушност е интересен футуристички дизајн на ски – мотел.
Чешката фирма Atelier 8000 го осмисли овој неверојатен концепт дизајн на зимско одморалиште, направено од алуминиум стакло и сончеви панели.
Најинтересно од се е што оваа коцка може да ротира на еден од своите краеви.
Зданието е планирано да се изгради на Високите Татри, дел од планински венец Татри кој се протега на границата помеѓу Словачка и Полска.
Самата форма на мотелот овозможува искористување на сончевата енергија до максимум, преку панелите.
Совршена за вљубениците во зимските спортови, пет катната зграда вклучува простор за чување на ски опрема, два ката за гости, соба за медитација на најгорниот кат и ресторан.
