Новата анализа на Центарот за стратешки и меѓународни студии откри дека кинеската влада потрошила неверојатни 215 милијарди евра за субвенции за компании кои произведуваат електрични возила во периодот од 2009 до 2023 година.
Не е изненадувачки што повеќето од овие субвенции беа доделени неодамна. Тинк-тенкот проценува дека се потрошени само 6,3 милијарди евра помеѓу 2009 и 2017 година. Сепак, тој број приближно тројно се зголеми од 2018 до 2020 година, а потоа, за време на избувнувањето на кризата со корона, субвенциите се зголемија речиси 10 пати.
Иако сите овие бројки се проценки, Центарот за стратешки и меѓународни студии забележа дека кинеската влада субвенционира електрични возила на различни начини. Ова вклучува „даночни попусти“ или негово целосно ослободување, како и финансирање на инфраструктурата.
Покрај тоа, владата купува електрични возила за себе и ги поддржува програмите за истражување и развој на производителите на автомобили, пишува Јутарњи.хр.
Нивото на поддршка варира, но владата значително го зголеми финансирањето за програми за истражување и развој на електрични автомобили во последниве години. Помеѓу 2009 и 2017 година беа потрошени само 2 милијарди долари. Тоа скокна на 3,6 милијарди долари во 2018 година и се искачи на 4,3 милијарди долари само минатата година.
Центарот за стратешки и меѓународни студии тврди дека нивните проценки се „многу конзервативни“ и дури не ја вклучуваат целата владина поддршка. Така, не се вклучени локални стимулации, донирана земја за изградба на фабрики, попусти на струја и субвенции од добавувачи на автомобилската индустрија, пренесува Autoblog.rs.