Кина: Електрана произведува струја од стари банкноти

253

kineski pari mnogu

Електрана во кинескиот град Луојанг во провинцијата Хенан започна да користи стари банкноти за производство на електрична енергија, јавуваат тамошните медиуми.

Електраната како погонско гориво ќе користи стари и оштетени банкноти, а од еден тон стари јуани може да се произведат повеќе од 600 kWh електрична енергија и е еколошки поприфатливо од јагленот.

Народната банка на Кина дала дозвола за користење на овие банкноти и образложила дека станува збор за ефикасен начин за производство на електрична енергија. Неискористените хартиени пари од провинциите се доволни за годишно производство на 1,32 милиони kWh електрична енергија, за што инаку би биле потребни 4.000 тони јаглен.