Кина ги заострува мерките во секторот за електрични автомобили

21

Кинеските власти си поставија цел да го консолидираат секторот на електрични автомобили во земјата. Нивните долгорочни напори да го развијат создадоа премногу играчи и многу од нив се на работ на опстанок, пренесе Блумберг.

„Отсега производителите на електрични автомобили треба да станат поголеми и посилни. Во моментов, нивниот број е преголем“, рече Ксиао Јациун, министер за индустрија и информатичка технологија, за време на прес -конференцијата во Пекинг.

„Повеќето такви компании се расфрлани и мали по големина“, рече тој. „Тие треба да искористат се што може да понуди пазарот и ние ги охрабруваме спојувањата и преструктуирањето во секторот за електрични возила за дополнително зголемување на концентрацијата на пазарот“.

Кина успеа да го направи својот сектор за електрични автомобили најголем во светот и сега ги фокусира своите напори на консолидација на компании во оваа област, кои пораснаа на скоро 300. Владата планира мерки за намалување на прекумерниот капацитет во секторот и фокусирање на ресурсите на неколку важни производствени центри, објави Bloomberg News минатата недела.

Регулаторите размислуваат да воведат праг на минимален реализиран производствен капацитет за овој сектор и тие провинции што не се придржуваат кон законите нема да можат да одобруваат нови проекти додека не се појави прекумерен капацитет на друго место.

Обидите за реформа на секторот за електрични автомобили ги следеа целокупните напори на претседателот Си Џинпинг да ја преструктуира економијата и општеството во земјата. Во последниве месеци, властите ја зајакнаа контролата врз голем број области, како што се приватните гиганти за образование и технологија.

Денес, акциите на кинеските производители на електрични автомобили паднаа во цена. Акции на Xpeng Inc. загубија 3,2% за време на трговската сесија во Хонг Конг, а акциите на Li Auto паднаа за 1,8%. Акциите на другите компании од секторот, исто така, паднаа на берзите во континентална Кина.

Масивниот раст на кинескиот пазар на електрични автомобили беше поддржан од владините субвенции, кои требаше да ги охрабрат потрошувачите да се префрлат на „почисти“ возила. Помеѓу 2015 и 2020 година, централната влада обезбеди речиси 5,1 милијарди долари субвенции за набавка на електрични возила, според податоците на Министерството за индустрија и информатичка технологија.

Регионалните власти, исто така, нудат средства во форма на даночни олеснувања и други стимулации за формирање компании за електрични автомобили, што доведе до прекумерен капацитет во овој сектор. Во провинцијата Џиангсу, северно од Шангај, има 30 производители на електрични автомобили, а неколкумина веќе банкротираа.

Минатата година, просечната стапка на искористеност на капацитетот во Кина беше околу 53%, според проценките базирани на податоците од Националната комисија за развој и реформи за провинцијата Џиангсу.