Кина ја престигна Германија, стана втор најголем извозник на автомобили во светот

34

Кина стана втор најголем извозник на автомобили во светот. Кина го зголеми извозот на возила за повеќе од 54 проценти во 2022 година во споредба со претходната година. Тоа беше доволно земјата да се  помести на второто место во светот по извоз на автомобили.

Кинеската асоцијација на производители на автомобили објави дека земјата испорачала 3,11 милиони возила во странство минатата година. Тоа е значително повеќе од Германија, претходно втор по големина извозник, која продаде само 2,61 милиони возила на меѓународните пазари минатата година, што е за 10 отсто повеќе од 2021 година.

Кина сега ја брка Јапонија која е на прво место. Иако целогодишните резултати на Јапонија сè уште не се достапни, се знае дека земјата има испорачано повеќе од 3,2 милиони возила во странство во текот на 11-те месеци од 2022 година.

Сепак, Јапонија се очекува да извезе помалку возила минатата година отколку во 2021 година кога испорача 3,82 милиони возила на странските пазари. Со брзо растечкиот извоз од Кина и намалувањето на обемот од Јапонија, Кина се очекува да ја преземе функцијата како најголем светски извозник на автомобили во блиска иднина, изјавија аналитичарите за South China Morning Post.

Citic Securities предвидува дека Кина до 2030 година би можела да извезува дури 5,5 милиони возила годишно, од кои 2,5 милиони ќе бидат електрични. Ова ќе биде олеснето со напорите на земјата да ги претстави своите возила на пазарите во Јужна Азија, како и на земјите во развој.