Кинескиот извоз е намален за 6,8 отсто на годишно ниво на 506,3 милијарди долари во периодот јануари-февруари, според официјалните податоци објавени во вторникот.
Излезните пратки закрепнаа од падот од 9,9 проценти во декември и ја надминаа пазарната прогноза за пад од девет проценти.
Кинескиот увоз падна за 10,2 отсто во првите два месеци од оваа година во однос на истиот период во 2022 година, по падот од 7,5 отсто во декември, јавува Anadolu Agency.
Исто така, трговскиот суфицит на втората по големина светска економија се зголеми на 116,9 милијарди долари од 78 милијарди долари во истиот период.
