Се случи едно од најголемите преземања на малопродажни објекти за електроника во Европа. Германската компанија Ceconomy, инаку сопственик на познатите синџири MediaMarkt и Saturn, заврши во рацете на кинескиот малопродажен трговец JD.com.
За секоја акција на Ceconomy, Кинезите ќе платат 7 проценти повеќе од пазарната вредност, што е околу 4,6 евра. Ceconomy генерира околу 22,4 милијарди евра годишен приход, од кои 5,1 милијарди се преку онлајн продажба. Со преземањето, кинескиот JD.com ќе ги отвори вратите за речиси 1.000 физички продавници во Европа и силен онлајн пазарен удел.
Досега, најголемата пречка за преземањето беше противењето на семејството Келерхалс, кое поседува речиси 30 проценти од акциите на Ceconomy преку компанијата Convergenta, но на крајот се согласија да го намалат својот удел. Тој сепак ќе остане на 25 проценти, се вели во соопштението за медиумите.
JD.com вети дека нема да затвора продавници, да наметнува отпуштања или да се меша во колективните договори во следните три години. „Целта е да се зајакне европската малопродажба со заеднички вредности и комплементарни предности“, рече извршниот директор на Ceconomy, Кај-Улрих Дајснер.