Фото: Pixabay
За оние што се прашуваат зошто успехот постојано ги одминува, еве шест одговори и можност за вртење на нов лист.
Успешните луѓе ја прифаќаат промената, неуспешните се плашат од неа. Да се прифати промена не е така едноставно. Светот се менува секојдневно, технологијата оди напред и од големо значење е да умееме да ги прифатиме промените. Не смееме да бегаме од нив и да се плашиме.
Успешните луѓе зборуваат за идеи, неуспешните за другите луѓе. Озборувањето нема да ве однесе никаде. Наместо тоа, потрудете се да споделувате идеи, тоа сигурно ќе направи да се чувствувате поубаво и да научите нешто ново.
Успешните луѓе ја прифаќаат вината, неуспешните обвинуваат други. Подемите и падовите се неизбежни во животот, а успешните знаат кога грешат и прифаќаат вина, додека оние другите се обидуваат да ја препишат грешката на некој друг, а тоа не решава ништо.
Успешните луѓе ги препишуваат заслугите на останатите, неуспешните ги сакаат заслугите само за себе. Да им се дозволи на луѓето да се почувствуваат вредно, да ги почувствуваат своите моменти на слава може само да ги мотивира да бидат уште подобри и поуспешни. Успешните лидери го знаат тоа и го практикуваат.
Успешните луѓе сакаат и другите да успеат, неуспешните потајно се надеваат тоа да не биде така. Кога работите со група луѓе, за да бидете успешни треба целиот тим да успее. Успешните луѓе посакуваат успех и за останатите во тимот и не се чувствуваат загрозени од тоа.
Успешните луѓе постојано учат, неуспешните се задоволуваат со она што веќе го знаат. Еден од начините за развој како личност, лидер и професионалец е постојаното учење. Ако сакате да бидете чекор пред конкуренцијата и полесно да ги прифаќате промените мора континуирано да учите, во спротивно може само да испуштите многу шанси за успех.
