Knight Frank отвори канцеларија во Белград

22

Една од водечките глобални консалтинг компании за недвижности Knight Frank, со седиште во Лондон, која постои 125 години, отвори канцеларија во Белград. Отворањето на компанијата во Србија доаѓа како природно продолжување на бизнисот во областа на глобалните консултации за недвижности и во согласност со зголемените барања на клиентите, како и растот на пазарот во целиот јадрански регион, соопшти компанијата.

Во моментов во Белград има околу милион квадратни метри канцелариски простор од класа А и Б, како и канцелариски простор што сопствениците го користат самостојно. Во тек е изградба на големи значајни проекти како што е NCR кампусот и дополнителна зграда во комплексот Skyline, која ќе биде завршена и отворена до крајот на годината. Исто така, дополнителни 40.000 метри квадратни ќе бидат завршени во овој рок, наведува компанијата.

Knight Frank првично ќе го фокусира својот бизнис на две главни услуги: советување за закуп на деловни простории за сопственици и корисници (корпоративни услуги и застапување на сопствениците), а потоа индустриски и логистички лизинг, со најава за обезбедување на сите услуги во областа на деловни недвижнини.