100-те најбогати Словенци заедно имаат имот во вредност од 7,1 милијарда евра, што е рекордна сума и речиси четвртина или 1,3 милијарди евра поголема од 2020 година, објави бизнис магазинот Finance.
Весникот наведува и дека ова е најголем годишен скок на богатството од 2008 година. Растот на богатството е резултат на подоброто котирање на нивните компании на берзите, што е основа за проценка на нивната нето вредност, но и добриот бизнис, раздолжувањето, зајакнувањето на финансиските бафери и, во некои случаи, успешните аквизиции, пишува весникот.
Почетната сума на богатство на листата на 100-те најдобри исто така се зголеми од минатогодишните 20,9 милиони евра на 27,7 милиони евра, додека повеќе од четвртина од луѓето кои се најдоа на листата минатата година отпаднаа од листата. 10 нови луѓе влегоа во клубот на најбогатите, а 17 повторно се вратија.
На на врвот на листата се Иза Сија и Само Логин, поранешни сопственици на апликацијата Outfit7 и поранешни сопружници кои продолжиле да работат заедно, поради што се третираат како еден ентитет. Вредноста на нивниот имот се проценува на 689 милиони евра.
На позицијата број два се Санди Чешко и Ливија Доланц со проценето богатство од 355 милиони евра, а најголем дел од нивниот имот е приходот од 55% удел во Студио Модерна.
Семејството Шешок, сопственици на Искра, се проби во првите три најбогати, а брачната двојка Весна и Дари Јужна, сопственици на холдинг-компанијата Перспектива, влезе во топ 10 богаташи со раст од 73% на имотот на 202 милиони евра.
Најинтересен дебитант на листата е кошаркарот Лука Дончиќ, со богатство проценето на 29,4 милиони евра, откако оваа НБА ѕвезда потпиша петгодишен договор со Далас Маверикс од 207 милиони долари, пренесува СТА.
