Некои туристички дестинации станаа синоним за луксуз и се знае кој може да летува таму – само оние со многу нули на сметката. Миконос е еден од најпознатите грчки острови токму поради тој моден момент и цените кои се астрономски за обичните луѓе.
Цената на ноќевање во овој мал бел грчки рај, според Букинг, достигнува и до неколку илјади евра, а истата ситуација и во други слични европски летувалишта.
Бели куќи на Миконос
Миконос се наоѓа на 150 километри југоисточно од Атина. Овој мал остров е преполн со познати бели куќи кои ги исполнуваат Инстаграм и Пинтерест.
Миконос, со должина од околу 15 километри и ширина од 10 километри, е локалитет кој го окупираат милијардери со купување и градење недвижен имот.
Покрај Миконос, според луксузните комплекси во Грција се издвојуваат Санторини, Крит, Крф, како и некои места на Халкидики.
Сместувањето во хотел со три ѕвезди е достапно на Букинг овој јули за околу 300 евра. Ова е цената на ноќевање за двајца возрасни, а се наведува дека појадокот е вклучен во цената. Секој што сака да престојува во хотел со уште една ѕвезда ќе мора да потроши повеќе пари.
На Booking може да се видат бројки од кои малку ви се врти, бидејќи цената на ноќевање чини над 1.500 евра, а тоа е на акција.
Сигурно еден од најпознатите хотели на Миконос е „Санта Марина“, луксузен ресорт, каде ноќевање за двајца во супериор соба чини околу 2.000 евра, а има и соби кои чинат околу 3.600 евра.
Азурниот брег
Француската ривиера е термин кој веќе носи допир на гламур сам по себе бидејќи градовите Кан, Ница и Сен Тропе станаа омилени на светската елита уште од 18 век.
Многумина ги закотвија своите луксузни јахти низ Азурниот брег бидејќи, според Лукслајф, 90% од популарноста на локацијата доаѓа од популацијата што сака наутика.
Еден од најлуксузните хотели во овој регион е „Four Seasons Grand-Hôtel du Cap-Ferrat“, каде едно ноќевање за двајца чини повеќе од 4.500 евра.
Марбела се најде на врвот на листата „Најдобра европска дестинација 2024“, објавена од Организацијата за најдобри европски дестинации EBD. Имено, овој шпански град доби речиси 50.000 гласови, најмногу од англиски и американски гости.
Објект кој се издвојува по својата ексклузивност е хотелот Marbella Club. Станува збор за зграда основана од германски аристократ во 50-тите години. Покрај сместувањето во елегантни соби, хотелот има можност за изнајмување вили со 2, 3 и 4 спални соби и приватни базени. Цената на ноќевање за две лица чини околу 2.220 евра.
Интересно е што хотелот нуди многу активности, како што се часови по градинарство и готвење. Гостите на хотелот добиваат бесплатни такси за играње на живописниот терен за голф лоциран во Бенахавис, кој му припаѓа на клубот Марбела.
На топ-листата се и Батуми и Грузија
По Марбела, по популарност следат Монако, Малта, Женева и Батуми во Грузија. Овие дестинации ги заземаат првите пет места на споменатата европска листа.
Во таа прилика, извршниот директор на ЕБД изјави дека богатите сега се стремат кон помалку познати луксузни дестинации како Понца, Порто Векио, Кап Фере, Сирмионе и Фарски Острови за краткотраен одмор, прецизира тој.
Италија има и грст места каде почиваат богатите, а „Картер“ ги издвојува Сицилија и познатите езера Комо и Гарда. На мапата на богати туристи се издвојуваат и Корзика, шпанските Балеарски острови и Тунис.
