Сер Крис Хон, менаџер на хеџ фондот The Children’s Investment Fund, минатата година си плати 479 милиони долари откако неговиот фонд забележа скок на добивката пред оданочување од 66% на 695 милиони долари, пренесуваат британските медиуми.
Се смета дека е најголемата годишна сума исплатена некогаш на едно лице во Велика Британија и изнесува 940.000 фунти на ден. Тоа е 9.000 пати повеќе од просечната плата во Велика Британија и 1.700 пати повеќе од сумата исплатена на премиерот Борис Џонсон.
Огромната плата на Хон од 479 милиони долари (343 милиони фунти) е значително поголема од претходниот рекорд од 323 милиони фунти исплатени на Денис Коутс, мнозински акционер на обложувалницата Bet365, во 2018 година.
Хон, 54, е син на автомеханичар од Јамајка кој емигрирал во Велика Британија во 60-тите години на минатиот век. Тој е еден од најдарежливите филантропи во Велика Британија и дал 386 милиони долари преку неговата добротворна организација во 2019 година.
Поради својата филантропија во 2014 година ја доби титулата Сер.
Фото: Freepik