Црна Гора е најскапата дестинација за живеење на Балканот, доколку се исклучат Словенија и Хрватска, кои се членки на Европската унија, бидејќи месечните трошоци за четиричлено семејство се проценуваат на 1.917 евра, покажуваат податоците на порталот „Нумбео“. Според таа страница, Црна Гора е на 85 место меѓу најскапите земји во светот.
За нормален живот на просечното четиричлено семејство му се потребни 1.917 евра месечно, покажуваат податоците на веб-страницата „Нумбео“. Не ги вклучува трошоците за можно изнајмување на имотот.
Од почетокот на конфликтот меѓу Русија и Украина, цените на изнајмувањето се зголемија за околу 40 отсто поради приливот на луѓе со поголем капацитет за плаќање.
Цената за изнајмување во Црна Гора моментално се движи од 350 до над 1.500 евра, во зависност од квадратурата, но и локацијата на која се наоѓа имотот. За живот на поединец во Црна Гора се потребни околу 550 евра месечно, не сметајќи ја цената за изнајмување на имот.
