Колку пари се “вртат“ од извоз на цвеќе?

47

Извозот на цвеќе минатата година во светот достигна вредност од 9,4 милијарди долари, што е за 1,8% повеќе во споредба со 2018 година, покажуваат податоците на World’s top exports.

Македонија се најде на 90-то место со извоз од 56.000 долари или 30,2% повеќе во однос на 2018 година.

Во светски рамки, најголем извозник на цвеќе во 2019 година беше Холандија со удел од 48,9% или 4,6 милијарди долари. Меѓу петте најголеми извозници на цвеќе лани беа и: Колумбија (1,4 милијарди долари), Еквадор (879,8 милиони долари), Кенија (709,4 милиони долари) и Етиопија (241,3 милиони долари).

Од земјите во регионот, најмногу цвеќе извезува Бугарија со заработка од 2,2 милиони долари. Потоа следуваат: Хрватска (933.000 долари), Словенија (532.000 долари), Грција (476.000 долари) и Србија (293.000 долари).

Фото: Freepik