Легендарниот англиски фудбалер Дејвид Бекам оствари огромен профит за време на неодамна завршеното Светско првенство во 2026 година, дополнително зголемувајќи го своето богатство, кое се проценува на повеќе од 1,38 милијарди евра, пишува Контра.мк
Иако ја заврши својата играчка кариера пред повеќе од една деценија, 51-годишниот поранешен капитен на Англија беше едно од најкористените лица во рекламите низ целиот свет, собирајќи околу 22,1 милиони евра.
Аналитичарите велат дека Бекам соработувал со некои од најголемите светски брендови за време на турнирот, промовирајќи сè – од банкарски услуги до прехранбени производи.
„Брендовите работат со Бекам затоа што е доверлив и препознатлив“, изјави компанијата за анализи Marketing Made Clear.
Експертот за брендирање Ник Еде објасни дека брендовите се подготвени да потрошат десетици милиони за да обезбедат познати личности кои можат веднаш да привлечат внимание за време на рекламите затоа што знаат дека достигнуваат публика од неколку милијарди луѓе.
Неговиот син Бруклин, исто така, имаше финансиска корист од Светското првенство, заработувајќи околу 1 милион долари за појавување во една од рекламите.
Овој нов бран на приходи дополнително го зацврсти статусот на британското семејство, чиј имот, заедно со неговата сопруга Викторија, се проценува на 1,38 милијарди евра.
Поранешниот ас на Манчестер Јунајтед со тоа уште еднаш покажа како да се изгради бренд што оди подалеку од границите на самиот фудбал.