Конгломератот на Бафет го зголеми својот удел во пет јапонски компании

36

Конгломератот на Ворен Бафет, Беркшир Хатавеј, го зголеми својот удел во пет големи трговски компании од Јапонија, според неодамна објавените документи.

Компанијата на Бафет купи удел во јапонските трговски куќи, познати и како „sogo shosha“, во август 2020 година, земајќи пет проценти во секоја од компаниите.

Трговските компании, кои инвестираат во проекти поврзани со нафта и природен гас ширум светот, забележаа прекрасни добивки во последниот квартал, поттикнати од зголемувањето на цените на суровините. Mitsui претходно овој месец објави откуп на акции во вредност од 140 милијарди јени (1,37 милијарди долари) како резултат на заработката од зголемените цени на енергијата.

National Indemnity, осигурителот на конгломератот Berkshire, го зголеми својот удел во Mitsubishi од 5,04 проценти на 6,59 проценти, според документите објавени од Министерството за финансии во Токио, како и во Marubeni, Itochu, Mitsui&Co и Sumitomo. Документите не кажуваат кога точно биле подигнати влоговите, пишува Business Times, повикувајќи се на Bloomberg.

Во изјавата за објавување на првичниот откуп во 2020 година, Беркшир изјави дека компанијата може да го зголеми својот удел во која било од овие фирми на 9,9 проценти.

Вредноста на акциите на Mitsubishi се зголеми за околу 3,6 отсто, што е највисок пораст од 1 ноември. Цената на акцијата на Marubeni порасна за 3,4 отсто, додека акциите на Sumitomo за 2,2 отсто.

Овие компании не беа единствените од азиското портфолио во кои конгломератот на Бафет го зголеми својот удел. Беркшир Хатавеј, исто така, купи удел од 5 милијарди долари во производителот на чипови Taiwan Semiconductor Manufacturing.