Коосновачот на компанијата во сопственост на Илон Маск xAI, Игор Бабушкин, објави дека ја напуштил компанијата за да го започне својот проект, фокусиран на истражување на безбедноста на вештачката интелигенција и поддршка на стартап компании „кои го унапредуваат човештвото и ги откриваат мистериите на универзумот“.
Бабушкин во објава на X (порано Twitter) рече дека инспирацијата за новиот потфат ја добил откако разговарал со извршниот директор на Институтот за иднината на животот, Макс Тегмарк, за начините на кои системите за вештачка интелигенција можат безбедно да се градат во корист на идните генерации.
Во пораката, тој го истакна своето семејно потекло – неговите родители емигрирале од Русија во Соединетите Американски Држави по распадот на Советскиот Сојуз во потрага по подобар живот.