Денес, Европската Унија воведе привремена царинска такса од три евра по артикл во пакети што пристигнуваат од земји надвор од Европската Унија, што дополнително ќе ги зголеми трошоците за купување преку кинески онлајн платформи како што се „Тему“, „Шејн“ и „АлиЕкспрес“.
Претходното ослободување од царинска такса за мали купувања под 150 евра е укинато со цел да се ограничи протокот на масовно произведени и евтини увози од Кина, објавува „Бруселс Тајмс“.
Оваа привремена царинска такса треба да остане на сила најмалку до 2028 година, се додава во соопштението на ЕУ.
Ако нарачате три идентични маички од една од кинеските платформи, плаќате уште три евра, но ако нарачате една маица и една футрола за телефон, плаќате шест евра, што укажува дека давачката се воведува по категорија на производи.
Европската комисија објави дека бројот на пакети со ниска вредност што пристигнуваат во блокот се зголемил повеќе од четири пати, од 1,3 милијарди во 2022 година на 5,9 милијарди во 2025 година, од кои околу 90 проценти од пакетите доаѓаат од Кина.
Истражувањето објавено од Европската унија покажа дека 60 проценти од онлајн производите увезени од надвор од блокот не се во согласност со законодавството на ЕУ, што потенцијално ги става потрошувачите во опасност.
Минатиот месец, регулаторите на ЕУ ја казнија Тема со 200 милиони евра за тоа што не успеала да ја спречи продажбата на нелегални и опасни производи.