FTX.US, американската филијала на берзата за криптовалути FTX на Сем Банкмен-Фрид, започна нов гејминг бизнис.
Наречена FTX Gaming, новата единица има за цел да им помогне на гејмерските студија да ја интегрираат блокчејн технологијата и NFT во своите игри, според два огласи за работа објавени од FTX.US претходно овој месец.
FTX.US ангажира софтверски инженери со искуство во програмските јазици C # и Unity.
Втората е популарна платформа за развој на игри создадена од Unity Technologies.
Портпаролот на FTX рече дека FTX Gaming ќе обезбеди платформа „крипто како услуга“ преку која издавачите на игри би можеле да лансираат токени и да понудат поддршка за NFT.
Според FTX, игрите се возбудлив случај на употреба на криптовалути, бидејќи повеќе од две милијарди гејмери ширум светот играле и собрале дигитални елементи и сега можат да ги поседуваат и преку NFT.
Веста доаѓа еден месец откако претседателот на FTX.US, Брет Харисон, на Твитер објави дека игрите ќе бидат голем дел од плановите на берзата за 2022 година.
„Возбуден сум поради технолошките предизвици што ќе ни ги донесе – интегрирање на технологијата NFT, криптовалути и дигитални паричници директно во гејминг економиите во огромен обем“, рече тогаш Харисон.
Во ноември, FTX, исто така, лансираше блокчејн фонд од 100 милиони американски долари, заедно со Solana Ventures и Lightspeed Venture Partners, за да инвестираат во стартапи фокусирани на изградба на блокчејн гејминг студија. Категоријата блокчејн игри е исто така многу популарна меѓу инвеститорите во „ризичен капитал“, привлекувајќи инвестиции вредни милијарди долари.
