Доналд Трамп им вети на илјадници обожаватели на биткоин дека како претседател ќе ја направи Америка „биткоин суперсила на светот“, добивајќи широка поддршка на пазарот кој се чувствува загрозен од регулаторното внимание. „Мојата работа ќе биде да ве ослободам“, рече Трамп.
Со ентузијастички про-крипто говор, поранешниот американски претседател и кандидат на претстојните ноемвриски избори се обиде да ги продлабочи своите врски со индустријата која е уморна од перцепираниот прогон од страна на администрацијата на Бајден и е подготвена да потроши многу за да обезбеди попријателска публика во Вашингтон , пренесува Financial The Times.
Коментарите на Трамп на годишната конференција за биткоин во Нешвил, први за претседателски кандидат на една голема партија, означија пресврт за човекот кој пред само три години го критикуваше биткоинот како „измама“ што му се закануваше на американскиот долар.
Позитивниот ефект од изјавата на Трамп му помогна на биткоинот да достигне највисоко ниво за шест недели во понеделникот, накратко достигна 70.000 долари, блиску до неговиот историски максимум од нешто повеќе од 73.000 долари.
Крипто-пазарот се соочи со „брутален напад“ од актуелната американска администрација и Комисијата за хартии од вредност (SEC), соопшти фирмата за ризичен капитал Andreessen Horowitz, која се претставува како најголем крипто-инвеститор во светот.
Кампањата на Трамп за прифаќање на криптовалутите трае со месеци. Тој рече дека неговата кампања добила повеќе од 25 милиони долари во крипто донации. Неговиот кандидат за потпретседател Џеј-Ди Венс поседува 250.000 долари во биткоин.
