Дејвид Маркус води компанија фокусирана на биткоин, но не гледа дека крипто зимата (термин што тие го поврзуваат со кризата на пазарот на крипто во 2022 година) ќе заврши наскоро.
Маркус беше извршен директор на PayPal и исто така водеше крипто проекти на Facebook (сега Мета). Тој моментално раководи со Lightspark, стартап со седиште во Лос Анџелес, кој создава платежна инфраструктура, надградувајќи ги способностите на биткоинот.
Во блог пост објавен на Медиум во петокот, Маркус, меѓу другото, предвиде како ќе помине крипто секторот во 2023 година. Крипто шпекулантите кои се надеваат на пресврт следната година ќе бидат разочарани од неговите изгледи, според Fortune. Колапсот на FTX минатиот месец ја разниша довербата во крипто секторот и поттикна повици за построга регулатива.
Основачот на FTX, Сем Бенкмен-Фрид, е обвинет од американските власти за осум кривични дела – за што се соочува со долга затворска казна.
„Тоа беше уште попредизвикувачка година за крипто“, напиша Маркус.
Колапсот на FTX придонесе за криптозима. Од почетокот на 2022 година до денес, биткоинот и етереум, двете водечки криптовалути, паднаа за над 60 отсто, а акциите на крипто берзата Coinbase изгубија околу 85 отсто.
За обновувањето на крипто ќе бидат потребни години
„Нема да излеземе од крипто зимата во 2023 година, а веројатно ниту во 2024 година“, напиша тој. „Ќе бидат потребни неколку години за пазарот да се опорави од злоупотребата од бескрупулозните играчи и да дојде до одговорна регулација.
Извршниот директор на Coinbase, Брајан Армстронг, исто така забележа лоши актери во индустријата претходно овој месец.
„Мораме некако да се помириме со фактот дека нашата индустрија привлекува непропорционален дел од измамници“, рече Армстронг на Самитот на основачи на криптовалути.
