Креативноста во една кујна не се гледа само во надворешниот изглед на истата. Убавината е во спојот на креативноста и функционалноста во една целина. Постојат повеќе начини максимално да ги искористите внатрешниот простор на кујнските елементи. Како примери, во оваа објава вниманието ќе го насочиме кон два производа со иста функција, но различно место на поставување во кујната.
Прво ќе ја претставиме решетката за сушење на чаши и чинии која се поставува во внатрешноста на висечките елементи. Достапна за висечки елементи со ширина од 600, 800 и 900 мм, како и можноста за купување одделно на сите компоненти или како комплет уште повеќе додава на својата функционалност.
Ставете крај на вечниот неред од чаши и чинии кои се наоѓаат насекаде и нека организираноста биде дополнителен мотив за нејзиното поставување.
Посветете внимание и во разубавувањето и исполнувањето на просторот и во долните елементи од Вашата кујна. Како второ решение го претставуваме механизмот за сушење на чиниите и чашите за долните елементи. Бидејќи овој систем е составен од лизгачи со меко затворање се поставува како фиока (со ширини од 450 и 600 мм), а ова претставува одлична можност да се искористат неговите корисни особини доколку долниот дел на кујната е целосно изработена со фиоки.
Кога ќе одлучите да го опремите домот со нова кујна или ќе одлучите да ја освежите старата, сетете се на овие два производа. Убедени сме дека ќе ги исполнат сите Ваши очекувања во поглед на естетиката, а најмногу пред сè, на функционалноста.
