Во 2024 година, во Европската Унија имало 23 региони каде што најмалку 80 проценти од населението на возраст од 16 до 74 години нарачало стоки или услуги преку интернет во трите месеци пред анкетата.
Приближно половина од овие 23 региони се наоѓале во Холандија (сите 12 региони). Останатите биле во Данска (четири региони), Ирска (сите три региони), Шведска (три региони) и регионот на чешката престолнина Прага, објави Европската канцеларија за статистика.
Централниот холандски регион Утрехт имаше најголем процент на луѓе кои нарачуваат стоки или услуги преку интернет (91,5 проценти). Неговиот соседен регион Флеволанд (89,5 проценти) имаше следен највисок процент, по што следува Северно-западниот регион на Ирска (88,3 проценти).
Во 21 регион на ЕУ, помалку од 40 проценти од населението нарачувало стоки или услуги преку интернет. Повеќето од овие региони се наоѓаат во источните и јужните делови на ЕУ, вклучувајќи ја Романија (шест региони), Бугарија (пет) и јужна Италија (шест). Оваа категорија ги вклучуваше и трите најоддалечени региони на Франција и еден автономен регион на Португалија.
Регионот Југоизточен во југоисточна Бугарија имаше најмал процент на луѓе кои нарачуваат стоки и услуги преку интернет (21,7 проценти). Имаше уште два региона во ЕУ со процент под 25 проценти: карипскиот регион Гвадалупе (24,2 проценти) и северозападниот бугарски регион Северозападен (24,9 проценти).