Француската групација Lactalis го презема романскиот производител на млечни производи Covalact, пишува Profit.
Договорот меѓу Lactalis и американскиот приватен инвестициски фонд SigmaBleyzer Southeast European Fund IV, којшто го контролира Covalact, е потпишан минатата недела. Договорот треба да биде одобрен од романскиот Совет за конкуренција, а вредноста на овој договор изнесува 40 милиони евра.
Covalact во 2015 година оствари промет од 44,9 милиони евра и нето добивка од 1,3 милиони евра, а има 357 вработени.
Lactalis е сопственик на неколку меѓународни брендови како President, Parmalat и Galbani.
Пред неколку месеци Lactalis го презема и најголемиот производител на млечни производи во Романија Albalact, со што француската групација стана лидер на локалниот пазар за млечни производи.
