LinkedIn воведува нова аудио функција за онлајн настани

20

Деловната мрежа LinedIn наскоро ќе воведе нова аудио функција, која ќе биде дел од пошироката платформа за настани на Linkedin. Целта на функцијата е да им даде можност на корисниците да го комплетираат својот деловен профил. Аудио функцијата ќе дебитира во бета верзија.

Мрежата LinkedIn, која е во сопственост на Microsoft, моментално спроведува тестови за воведување на пробен период за новата аудио функција. Новата функција треба да овозможи аудио учество на корисниците во разговори, семинари, конференции и слично. На настаните учесниците ќе можат да коментираат, да се приклучат во живо на сцената и на самиот крај да разговараат со луѓе кои им се интересни.

Платформата за виртуелни настани на LinkedIn ќе се обиде да го надополни недостатокот на „офлајн“ настани, но и да го комплетира корисничкото искуство. Платформата поддржува конференции, семинари, тркалезни маси и слични формати на настани. Видео форматот се очекува на пролет. Останува да видиме како ќе изгледа оваа функција и колку ќе биде навистина корисна.