Курсот на турската лира во однос на доларот го обнови историскиот минимум во очекување на ново намалување на основната каматна стапка од страна на централната банка на земјата.
Податоците од денешното тргување во 08.30 часот по македонско време покажуваат дека доларот порасна во однос на турската валута на 10,5 лири за долар, што е своевиден нов антирекорд.
На крајот на октомври турската централна банка одлучи да ја намали основната каматна стапка на 16% од 18% во услови на рекорден пад на турската лира, по што се забрза падот на националната валута.
Експертите и аналитичарите очекуваат ново намалување на каматните стапки од регулаторот во четврток.
Лирата почна нагло да паѓа во средината на октомври по веста за отпуштање на тројца високи функционери на централната банка, меѓу кои и двајца заменици извршни директори, по наредба на турскиот претседател Ердоган.
Како што изјави за РИА Новости Арда Тунџа, финансиски директор на „Еко Факторинг“, сите тројца ослободени на состанокот на Советот за монетарна политика на Централната банка во септември гласале против намалувањето на каматните стапки.
Според него, Централната банка на Турција ја изгубила својата независност и лирата ќе продолжи да паѓа.
Ердоган го поддржува намалувањето на каматните стапки, тврдејќи дека порастот на инфлацијата се должи на високите каматни стапки.
