Секоја книга крие сосема нов свет, ги проширува хоризонтите, поттикнува креативно размислување, создава нова слика за многу непознати работи… Велат дека човек е богат онолку колку што чита и знае странски јазици. Во суштина, вистински богати се оние луѓе кои инвестираат во своето духовно богатство, а книгите нудат право изобилие.
Се верува дека луѓето кои читаат се поуспешни бидејќи…
Имаат широк поглед
Секоја книга им ги отвора хоризонтите, им дава можност да запознаат нови ликови, места, искуства. Сето тоа, иако е сместено само во мислите, на луѓето им отвора широки перспективи и можности кои би биле идеално решение за некој предизвик, проблем, потешкотија со којашто се соочуваат во моментот.
Размислуваат аналитички
Читајќи книги, луѓето го анализираат ликовите, нивните случувања и така го поттикнуваат аналитичкото размислување, што би им користело во други ситуации во животот или бизнисот.
Имаат побогат речник
Не е тајна дека луѓето кои повеќе читаат, имаат богат фонд на зборови, убав и разбирлив изговор и течна мисла. Сето тоа ги прави да звучат самоуверено, јасно да ги артикулираат своите мисли и на слушателите да им го привлечат вниманието.
Мудро го користат слободното време
Затоа што секој слободен момент го користат за да прочитаат нова книга, тоа значи дека многу мудро го трошат времето. Наместо залудно да го потрошат времето, тие земаат книга в рака и се “нурнуваат“ во непознат свет што би отворил сосема нови видици.
Фото: Pixabay
