Францускиот конгломерат за луксузни стоки LVMH очекува да плати до 800 милиони евра дополнителни даноци следната година, откако Франција објави дека ќе ги зголеми давачките за своите најголеми компании за да помогне во зајакнувањето на јавните финансии.
Главниот финансиски директор на LVMH, Жан-Жак Џиони, рече дека дополнителните корпоративни даноци треба да бидат помеѓу 700 милиони евра и 800 милиони евра за компанијата со седиште во Париз.
Франција минатата недела го претстави нацрт-буџетот кој вклучува повисоки даноци за бизнисите и богатите во обид да го намали својот голем куп долгови. Според плановите, привремените давачки за повеќе од 400 профитабилни компании со годишен приход од над една милијарда евра би генерирале 8 милијарди евра следната година и 4 милијарди евра во 2026 година, пренесува RT Balkan, пренесува Bloomberg.
LVMH плаќа 4,5 отсто од глобалните корпоративни даноци во Франција, а доколку се случи зголемувањето, даноците би скокнале на 10 отсто.
Тоа треба да ги олесни „стравовите дека не придонесуваме за буџетот“, рече Џиони.
Буџетот за 2025 година е клучен дел од напорите на премиерот Мишел Барние да го врати политичкиот и фискалниот поредок по неколкумесечна нестабилност и неизвесност предизвикани од одлуката на претседателот Емануел Макрон да го распушти парламентот и да распише предвремени избори.
Главниот извршен директор на Stellantis, Карлос Таварес, минатиот викенд изјави дека плановите на Франција да ги зголеми корпоративните даноци ќе им наштетат на инвестициите.
Германија не е единствената „болна“ од ЕУ: францускиот дефицит може да биде полош од очекуваното оваа година
