Приватни шофери, атмосфера како во кантри клуб и луксузни соби со тематски декор, ова не е било каков обичен хотел, туку најраскошниот хотел за мачки во Англија.
Сопственичката Џеки Фериер заедно со својот сопруг и децата го создаде овој луксузен хотел за мачки вешто преуредувајќи ја шталата близу нејзината куќа.
Секоја од седумте соби располага со простран кревет, мебел скроен за потребите на “гостите”, телевизор, слики, часовници и катчиња каде мачките можат да се кријат, качуваат и спијат. Покрај тоа милениците имаат можност и да “комуницираат” преку Skype со своите сопственици.
Една од собите во Hotel Cat е декорирана во стилот на Moulin Rouge, а има е таква каде декорот е типично “кралски”.
За време на престојот мачките јадат свеж лосос и шкампи, а сопствениците се грижат ништо да не им недостасува преку целиот ден. Цената за престој во хотелот изнесува 250 фунти неделно.
