„Мајкрософт“ е на пат да стане втората компанија во светот што достигнала пазарна капитализација од четири трилиони долари, откако ги објави кварталните приходи што ги надминаа очекувањата на Волстрит, што доведе до голем раст на акциите во продолженото тргување во средата.
Акциите на технолошкиот гигант скокнаа и до девет проценти, над 560 долари, во доцното тргување во Њујорк и доколку барем дел од овој раст се задржи до отворањето на пазарите денеска, компанијата ќе достигне пазарна вредност од четири трилиони долари. „Енвидија“ претходно месецов стана првата компанија што го достигна овој значаен праг.