Шефот за вештачка интелигенција на Мајкрософт, Ерик Бојд, денеска изјави дека компанијата ќе продолжи да ја забрзува својата работа на големи модели со вештачка интелигенција и покрај некои загрижености дека технологијата расте пребрзо и е премногу непредвидлива за да биде безбедна.
„Потенцијалот на оваа технологија навистина да ја зголеми човечката продуктивност, да придонесе за економскиот раст ширум светот, е толку моќен што би биле глупави да го игнорираме“, изјави за Sky News корпоративниот потпретседател на платформата за вештачка интелигенција на Мајкрософт.
Во 2019 година, американскиот софтверски гигант инвестираше 1 милијарда долари во стартапот за вештачка интелигенција OpenAI.
„Луѓето зборуваат за преземање на вештачката интелигенција, но таа нема способност да ја преземе контролата“, тврди Бојд.
Бојд рече дека е повеќе загрижен за потенцијалот на вештачката интелигенција да ги влоши постоечките социјални проблеми. Но, некои од најголемите краткорочни грижи за вештачката интелигенција не се поврзани со безбедноста на самата технологија, додаде тој. Наместо тоа, забележува тој, прашањето е колкава штета би можела да направи технологијата доколку се примени на погрешни задачи, без разлика дали се работи за дијагностицирање на рак, управување со контролата на летање или намерно злоупотребувана.
