Marvel презеде над 30% од заработката во кината во Северна Америка

41

Не е голема тајна дека Marvel заработува многу, па затоа секоја година пристигнуваат се повеќе филмови за суперхерои.

Сепак, заработката во 2021 година, кога пандемијата на многу начини ја погоди филмската индустрија, можеби ги надмина очекувањата на Sony, која ги поседува правата на филмовите на Marvel.

Со помош на пет филмови објавени во претходната година, „Spider-Man: No Way Home“, „Shang-Chi and the Legend of the Ten Rings“, „Eternals“, „Black Widow“ и „Venom: Let There Be Carnage“, Marvel зеде неверојатни 30 проценти од вкупниот приход од продажбата на билети во кината во Северна Америка.

Од вкупниот приход од филмските проекции во Северна Америка, кој е 4,45 милијарди долари, Marvel добил 1,35 милијарди.

Позитивната страна на оваа доминација на Marvel е што за време на пандемијата, кога сите се свртеа кон стриминг платформите, тие успеаја да ја вратат публиката во кината.

Од друга страна, критичарите велат дека достигнувањата на Marvel ги засениле големите филмови како „West Side Story“ на Стивен Спилберг, „Nightmare Alley“ на Гилермо Дел Торо и „The Last Duel“ на Ридли Скот.

Додека сите се надеваат дека ситуацијата ќе се подобри во 2022 година, Marvel продолжува по зацртаната патека, па љубителите на суперхероите наскоро можат да ги очекуваат достигнувањата на „Doctor Strange in the Multiverse of Madness“, „Thor: Love and Thunder“, „Black Panther: Wakanda Forever“ и „Morbius“.

You sent