Маск ги укина бесплатните оброци на Твитер, сака да заштеди 13 милиони долари годишно

35

Илон Маск ги укина бесплатните оброци за вработените на Твитер за да заштеди 13 милиони долари годишно, откако тврдеше дека повеќе луѓе носат свои оброци отколку што ги јадат.

„Твитер троши 13 милиони долари годишно на услуга за храна за неговото седиште во Сан Франциско. Повеќе луѓе си подготвуваат храна отколку што ја јадат во фирмата“, напиша на Твитер милијардерот и нов сопственик на мрежата.

Милијардерот се обидува да ги намали трошоците откако го купи Твитер во зделка вредна 44 милијарди долари. Високите трошоци за задолжување и растечкиот бојкот на огласувачите откако Маск ја презеде компанијата извршија голем притисок врз бизнисот. Маск минатата недела изјави дека банкрот не е на одмет.

Одлуката на Маск да ги прекине бесплатните оброци доведе до судир со поранешната директорка за недвижнини на Твитер, Трејси Хокинс.

Таа одговори на тврдењата на Маск на Твитер и рече дека посетеноста на канцеларијата била помеѓу 20 и 50 проценти.

„Бесплатните оброци им овозможија на вработените да работат за време на појадок и состаноци“, рече таа.