Американскиот милијардер и претприемач Илон Маск ја поддржа идејата за затворање на Радио Слободна Европа и Гласот на Америка, за што претходно во текот на денот разговараше Ричард Гренел, специјален советник на Доналд Трамп.
Претставникот на американскиот претседател за специјални мисии Ричард Гренел претходно објави дека овие медиуми се финансирани од американски даночни обврзници, дека се „полни со екстремно левичарски активисти“ и дека се непотребни остатоци од минатото.
„Да, затворете ги. Европа сега е слободна, без задушување на бирократијата. Никој повеќе не ги слуша“, објави Маск на својата мрежа X.
Тој додаде дека тие се „само радикални левичари кои сами си зборуваат додека годишно согоруваат милијарда долари од парите на американските даночни обврзници“.
Elon Musk calls for the shutdown of “Radio Free Europe” and “Voice of America”
“Nobody listens to them anymore”. pic.twitter.com/00ngwOe5yT
— NEXTA (@nexta_tv) February 9, 2025