Медитерано со сусам е најновиот член на семејството медитерано лебови, чија главна состојка е маслиновото масло. Така, сега понудата на специјални лебови од Жито Лукс е збогатена со уште еден квалитетен производ со примамлив вкус и уникатна арома.
“Светски познатата медитеранска кујна покрај тоа што изобилува со раскошни вкусови, воедно е и специфична поради позитивниот ефект кој го има врз целокупното здравје. Голем дел од тоа позитивно влијание се должи токму на маслиновото масло. Со цел на нашите потрошувачи да им понудиме што поголем избор и да го задоволиме сечиј вкус, ја збогативме палетата на нашите производи со новиот медитерано леб со сусам”, изјави Мирјана Несторовска, продукт менаџер во Жито Лукс.
Медитерано лебот со сусам е направен со ладно цедено маслиново масло кое го збогатува примамливиот вкус, додека сусамот додава традиционален допир на медитеранските ноти. Во новиот Медитерано со сусам потрошувачите ќе имаат можност да уживаат по промотивна цена од 35 денари.
Покрај последниот новитет, неодамна компанијата Жито Лукс ни ги претстави и лебовите Медитерано со маслинки и Медитерано со лук и оригано кои заедно со останатите медитерански лебови претставуваат уникатен и ароматичен додаток на секој оброк.
