Поранешниот руски претседател Дмитриј Медведев денеска предупреди дека предлогот на Јапонија да ја ограничи цената на руската нафта на околу половина од сегашното ниво ќе доведе до значително помала понуда на нафта на пазарот, што може да ја зголеми цената на енергентот над 300-400 долари за барел, пренесува Ројтерс.
Коментирајќи ги извештаите за предлогот, кој наводно го претстави јапонскиот премиер Фумио Кишида, Медведев рече дека Јапонија „нема да има нафта ниту гас од Русија, ниту учество во проектот за течен природен гас Сахалин-2
Лидерите на Г7 минатата недела се согласија да ја истражат можноста за воведување привремени ограничувања на увозните цени на руските фосилни горива, вклучително и нафтата, во обид да ги ограничат руските извозни приходи за финансирање на нејзината воена кампања во Украина.
